D'Lëtzebuerger Wäikinnigin 2024 - Anne-Catherine
Léif Frënn vu Maacher a vun der Musel,
Ech sënn d’Anne-Catherine Schiltz, hunn 21 Joar a sënn zu Maacher opgewuess. Mäi Lycée hunn ech zu Iechternach gemaach an 2023 mam Premières-Diplom vun der 1C ofgeschloss. No eem Semester op der Uni Tréier fänken ech am September een Ausbildung als Hiewan un.
A meiner Fräizäit sënn ech vill am Stall bäi meim Päerd, së bäim CGDIS op der Ambulanz am Asaz, sénge bäim Jugendchouer Muselfénkelcher a sënn natierlech mat der Equipe vun der Wäikinnigin op sou munche Wäifester a Proufdeeg ënnerwee.
Ech së vu kleenem un dorrech mein Famill enk mam Maacher Drauwen- a Wäifest verbonnen, dofir sënn ech och net di éischt Wäikinnigin a meiner Famill. Mein Mamm, d’Christiane Urwald, an 2 Schwestere vu meim Bopi, d’Marie-Thérèse an d’Nicole Urwald, haten och schonn di Éier, Drauwekinnigin, wéi et déi Zäit nach genannt ginn ass, ze sënn.
2024 ass et dann elo u mir, fir als 74. Wäikinnigin is Stad Maacher, is Musel an hire goude Wäin ze representéieren. Zesumme mat meine Prinzessine Jill, Lynn an Anne freeën ech mech op dës edel Charge a sënn iwerzeegt, datt mir e flott Joar wäerten hunn.
Kommt de 6., 7. an 8. September op Maacher. Feiert mat is a genéisst bäi gouder Stëmmung déi eenzegaarteg Atmosphär vum Maacher Drauwen- a Wäifest!
Anne-Catherine
Wäikinnigin 2024
D'Wäikinnigin Anne-Catherine mat hire Prinzessine
Lynn, Jill & Anne
Is Wäikinnigin
Musek: Georges Urwald - Text: Christiane Urwald
Gesang: Debbie Marinkovic, Georges Urwald
1
Et lieft hei zu Maacher e Meedche charmant
Et ass op der Musel an och soss bekannt
Hatt kennt sech gout aus mat de Riewen, mam Wäin
Mat Schärp a mat Kroun den néidege Schäin
2
Fei Pär’len, déi glënn’ren am Glas wéi een Kroun
Bäi Crémant a Wäin gëtt sein Nues un den Toun
D’Aromen entfale sech, mol fruchteg, mol herb
Wäikinnigin steet jo dofir op der Schärp
Refrain:
Jo, dat ass is Wäikinnigin
Zu Maacher gekréint, dem ganze Land déint
Hieft är Glas op d’Wäikinnign
Mir alleguer stinn zu dir Kinnigin
3
Dëst Meedche schléit gär och mol kräfteg op d’Tromm
Säi Laachen, säi Charme gëtt geniert vun der Sonn
mat jiddfereem gëtt vun dem Won ‘rof geprost
Op Fei’ren a Spaassen huet d’Kinnign Lost
4
Fir d’Wënzer ass d’Kinnigin Botschafterin
Op Proufdeeg a Fester ass säi ze gesinn
Mat Häerz a Verstand ass säi do bäi der Saach
Well d’Kinnigin ass jo, jo dofir gemaach